You know, I've been dreaming of finding this missing piece. And to this day, I'm searching harder than ever and I think I've found it... ~Mata Kimi To (With You Again), JAY'ED ft. Ms. OOJA
xxxxxx
AGAD namang natapos ni Elena ang natitira pa niyang trabaho at dahil wala naman siyang masyadong appointments, nakauwi naman siya nang maaga gaya ng nasabi niya kay Joel.
Habang binabagtas niya ang daan pauwi sa ancestral house ay hindi niya maiwasang mapangiti dahil sa mga nangyari na kanina lang niya natuklasan.
Unang-una na rito ang kasalang magaganap sa pagitan nina Alexis at ng kapatid niyang si Angela. Hindi na siya nagtaka na ang dalawa ang nagkatuluyan. Kunsabagay, matagal naman na niyang napapansin ang kilos ng dalawang iyon kapag magkaharap. At hindi lang siya ang nakakapansin niyon.
Pero sigurado siya na isang malaking selebrasyon ito para sa mga pamilya nila. Alam niyang dahil sa mangyayaring kasalan sa pagitan nina Alexis at Angela ay mas lalo pang magiging mahigpit ang kapit ng mga Cervantes at dela Vega sa isa't-isa.
Pangalawa naman ay ang 'di inaasahang pagkikita nila ni Aries—-ng lalaking mahigpit apat na tao nang laman ng kanyang panaginip. Pero kahit na hanggang ngayon ay nagdududa pa rin siya, hindi naman maipaliwanag ang sayang nadarama niya nang makausap ang binata.
At isang bagay ang napatunayan ni Elena sa kanyang sarili matapos ang pagkikita nilang iyon ni Aries.
Ito ang lalaking minahal niya mula sa isang panaginip. At sana lang ay tugunan din nito ang kanyang nararamdaman para rito.
Pero mangyayari kaya ang bagay na iyon?
xxxxxx
MASAYANG-MASAYA ang lahat na naghahanda ng dinner ng dalawang pamilya mamayang seven o'clock.
Nadatnan ni Elena ang mga kapatid at kababata na nag-uusap-usap sa sala kasama din sina Don Javier at Don Carlos. Wala pa sina Alexis at Angela sa kumpulang iyon at hindi na siya magtataka sa bagay na iyon.
Sinalubong siya ni Joel nang mapansin ang kanyang pagdating.
"O, mabuti naman at nakauwi ka nang maaga."
"Maaga ko kasing natapos ang trabaho ko kaya nakauwi ako kaagad gaya ng nasabi ko sa 'yo kanina."
Iniabot niya sa katulong ang kanyang mga gamit upang madala na sa kanyang silid.
"Hindi ka man lang ba muna magbibihis, Elena?" tanong ni Cecille.
"Mamaya na. Hindi naman narumihan ang damit ko. At isa pa, kailangang maging pormal ako sa pagharap sa dalawang iyon."
Nagkatinginan ang mga kapatid niya't mga kababata.
"Alam mo, feel ko lang, ha? Parang may alam ka na sa ibabalita ni Kuya Alexis sa atin," wika ni Elizza.
"Oo nga naman," pagsang-ayon naman ni Nathan.
Napangiti na lang siya sa sinabing iyon ng dalawa.
Patuloy ang kuwentuhan nilang lahat at bigla lang nahinto iyon nang sabihin ni Aling Belinda na dumating na sina Alexis at Angela kasama ang isang bisita.
Hinintay na lang nila ang pagpasok ng dalawa at ng kanilang bisita sa loob ng ancestral house.
Habang naghihintay sila ay hindi naman maipaliwanag ni Elena ang bumibilis na pagtibok ng kanyang puso. Hindi niya maintindihan kung bakit ganoon ang nararamdaman niya.
Agad na tumayo siya at umalis sa karamihan. At napansin iyon ni Joel.
"Elena, saan ka pupunta? Parating na sina Alexis dito. Hintayin mo na lang."
"Pupunta muna ako sa kuwarto, Kuya. Magsa-shower muna ako. B-bigla kasing uminit ang pakiramdam ko, eh."
"O, sige. Pero bilisan mo, ha? Baka mamaya niyan, magtampo sa iyo ang dalawang 'yon kapag 'di ka nagpakita sa kanila."
"Don't worry. Sandali lang ako."
Agad na tumalikod si Elena at nagmamadaling nagtungo sa kanyang silid.
Kailangan lang talaga niya munang lumayo sa kanila dahil sa 'di maipaliwanag na pagsisikip ng kanyang dibdib. Maging ang mabilis na pagtibok ng kanyang puso.
Bakit ganito ang nararamdaman ko? Wala naman sigurong mangyayaring ikabibigla ko, 'no? Bukod sa pag-a-announce nina Kuya Alexis at Angela ng kasal nila, may iba pa akong malalaman?
Bukod dito, samu't-saring tanong pa ang sumasakanya ng mga sandaling iyon habang dinadaluyan ng maligamgam na tubig na nagmumula sa shower ang kanyang katawan.
At nang matapos ay wala pa rin siyang mahagilap na sagot sa mga katanungang nasa isipan niya. Kaya naman agad na siyang nagbihis matapos na patuyuin ng tuwalya ang buhok at katawan. Isang casual dress ang pinili niyang suotin dahil bigla ngang uminit ang pakiramdam niya kanina.
Matapos magbihis ay agad na bumaba si Elena at gaya ng inaasahan ay naroon na sina Alexis at Angela sa sala kung saan nakikipagkuwentuhan ang mga ito. Napangiti siya nang masilayan at marinig niya ang halakhakan ng mga naroon. Mukhang unti-unti nang bumabalik ang dating saya sa pamilya nila. Ang isiping mas lalo pang magbubuklod ang kanilang mga pamilya dahil sa nalalapit na kasal nina Alexis at Angela ang mas magbibigay sa kanya ng kasiyahan.
Ilang sandali pa ang nakalipas bago muling kumilos patungo sa sala si Elena. Noon lang niya napagtuunan ng pansin ang bulto ng isang taong nakatalikod sa kanya kaya hindi niya makita ang mukha nito.
Ito marahil ang kasama ng dalawa na bisita nila ngayon. Habang tinititigan niyang mabuti ang taong iyon ay nararamdaman na naman niya ang pagbilis ng tibok ng kanyang puso. At hindi niya maintindihan kung bakit.
Ilang beses siyang bumuntong-hininga upang pakalmahin ang kanyang pusong patuloy sa pagtibok nang mabilis. Saka siya lumapit sa mga ito.
"Hi, everyone!" masayang bati niya sa mga ito.
Natuon ang pansin ng lahat sa kanya maliban sa taong kanina pa niya tinitingnan.
"Akala ko naman, nagkulong ka na sa kuwarto mo at wala ka nang planong lumabas," natatawang wika ni Joel.
"Si Kuya naman."
"Ah, by the way, Elena. Kayong lahat, gusto ko sanang ipakilala sa inyo ang best friend ko. Si Aries Valencia."
Pagkarinig sa pangalang iyon ay parang itinulos sa kinatatayuan niya si Elena. Parang hindi siya mapaniwalaan ang narinig.
Pero nakumpirma lang niya ang lahat nang tumayo ito at pumihit paharap sa kanya.
"Nice to see you again, Elena."
xxxxxx
"WAIT a minute. Magkakilala kayo?"
Kahit walang dudang ikinagulat ni Elena ang nakita nang mga sandaling iyon, sapat naman ang tanong na iyon ng kanyang Kuya Joel para makahuma siya mula sa gulat na naramdaman.
"Umm... Nagkakilala lang kami sa restaurant ni Tita Isabelle kaninang lunch." Hanggang doon lang ang naisatinig niya dahil hindi niya gustong mapahiya at maasar kapag nalaman ng mga ito ang dahilan kung bakit nagkakilala sila ni Aries.
Hindi pa rin siya makapaniwala hanggang sa mga sandaling iyon na nagkita silang muli ni Aries. At naroon pa talaga ito sa ancestral house nila. Oo nga't hiniling niya nang hindi na ito naabutan sa restaurant kanina na sana ay muling magtagpo ang mga landas nila ng lalaki. Pero hindi maikakailang nabigla pa rin siya na nagkatotoo ang hiling niyang iyon.
"B-bakit ka nga pala naparito?" Pambihira! Kailangan ba talagang mautal siya nang ganito dahil lang sa presensiya nito?
"He'll be living with us in the meantime."
Kunot-noong hinarap ni Elena si Alexis na siyang nagsabi niyon. Kapapasok lang nito sa sala, hawak-hawak ang kamay ni Angela na kasabay nitong dumating. Pero kahit gusto niyang matuwa nang husto sa nakita, alam niyang may mali na sa mga sinabi ni Alexis. "Ano'ng ibig mong sabihin?"
"Tungkulin nating protektahan siya sa ngayon, hanggang sa masiguro nating hindi na siya idadamay sa gulong dapat ay tayo lang ang humaharap."
Okay, things were getting weirder by the minute. Iyon ang nasa isipan ni Elena ng mga sandaling iyon habang hinihintay na magpatuloy si Alexis sa sasabihin nito. Nakita niya itong huminga nang malalim bago umupo sa mahabang sofa katabi si Angela.
"Bago ko sabihin ang tungkol diyan, may gusto sana akong ibalita sa inyong lahat."
"Let me guess. Magpapakasal na kayo ni Angela?" agad na banat ni Kevin, dahilan upang panlakihan niya ng mga mata ang kapatid. "What?"
"Hinayaan mo na lang sana akong magsabi niyan, Kevin." Wala namang mababakas na inis sa tono ni Alexis nang sabihin nito iyon.
"Hindi mo na kailangang ianunsyo iyon sa aming lahat dahil alam naming doon din naman ang kahahantungan ninyong dalawa. Inunahan na kita sa pagbabalita."
Nagtawanan ang mga naroon, kahit si Elena na nakaramdam na naman ng pananaghili para sa kasiyahan ng kapatid at ng kababatang mahal na mahal nito.
"Pero gusto ko pa ring sabihin sa inyo ang gusto kong gawin namin ni Angela. It's been a long time that I've held myself back in expressing my feelings for her. Idagdag n'yo pa ang pag-aakala kong patay na siya, para lang malaman ko pagdating sa Pilipinas na buhay na buhay siya. Ayoko nang magsayang ng panahon na gawin ang isang bagay na magpapakumpleto sa buhay ko. At iyon ang pakasalan ang kapatid mo, Joel. Sa 'yo ako humihingi ng permiso ngayon dahil ikaw ang panganay ng mga dela Vega. Kahit sabihin pang alam na ni Tito Carlos ang tungkol sa plano kong ito sa isa sa mga dalaga niya, gusto ko pa ring malaman ang saloobin mo tungkol dito."
Ilang sandali ring walang imik si Joel na medyo ikinabahala ni Elena. Hindi ba ito papayag?
"I appreciate the fact that you considered asking for my permission about this, Alexis. Alam mo naman siguro kung gaano ako ka-protective sa mga kapatid ko. Pero alam ko na mabuti kang tao. Hindi mai-in love sa 'yo si Angela kung kabaliktaran ka n'on. At alam ko rin kung gaano ka kamahal ng kapatid ko. Kaya sino ba ako para tumutol sa gusto mong mangyari? Isa lang ang gusto kong ipangako mo sa akin, Alexis."
"Say it."
"Love her and take care of her. Don't hold back. Kagaya ng pag-aalaga at pagmamahal ng mga magulang natin sa isa't-isa," seryosong tugon ni Joel na ikinatahimik ng lahat.
Pero sandali lang iyon.
Nilapitan ni Alexis si Joel at niyakap ito nang mahigpit. Napangiti si Elena sa nakita at saka binalingan si Angela na tila maluluha na at yakap-yakap nina Elizza, Cheska at Fate. Ang iba naman ay pumapalakpak at nakangiti. Kalaunan ay napadako ang tingin niya kay Aries na kitang-kita ang tuwa para kay Alexis at pumapalakpak din.
For some reason, that sight brought warmth in her that she didn't know she'd feel in her life. Hanggang sa mga sandaling iyon, hindi pa rin siya makapaniwala na makikilala niya nang personal ang taong sa panaginip lang niya nakikita noon.
Iniwas na niya ang tingin dito bago pa mapunta sa kung saan ang takbo ng isipan niya dahil lang kay Aries.
"Ate, okay ka lang?" Ang tanong na iyon ni Angela ang nagpabalik ng isip ni Elena sa kasalukuyan.
Nginitian niya ang kapatid bago tumango. "Huwag kang mag-alala. Ang mas pakaisipin mo ngayon ay ang magiging kasal mo. Teka, nakapili ka na ba ng design ng gown na isusuot mo?"
Ito naman ngayon ang tumango. "Yeah, I did. Mamaya ko na lang ipapakita sa 'yo."
"Okay."
'Di man sinasadya ay napadakong muli ang tingin ni Elena kay Aries. Sa gulat niya ay mataman itong nakatingin sa kanya ng mga sandaling iyon. Teka, gaano katagal na ba itong nakatingin nang ganoon sa kanya?
"Alright. That's enough drama. Siguro naman, Kuya, kailangan mo nang sabihin sa amin ang dahilan kung bakit dito makikitira sa atin si Kuya Aries," ani Nathan na pumutol sa sayang pumalibot sa kanila.
Of course, they knew he didn't mean anything bad about that. Pero sigurado si Elena na matindi ang dahilan kung bakit naisipan iyon ni Alexis para sa kaibigan nito.
"The guys who were after that elusive diary are threatening him," Joel answered gravely that immediately caught everyone's attention.
Kasabay niyon ay bigla ang naging pagkabog ng dibdib ni Elena, lalo na nang maalala niya ang kanyang panaginip tungkol kay Aries.
So it's true. He does have a connection to that missing diary. Pero sa mga sandaling iyon, may posible ba siyang magawa upang huwag magkatotoo ang panaginip niya tungkol dito?
"Threatening him? Ano'ng ibig mong sabihin?"
Hindi nag-alinlangan si Aries na isalaysay ang ilang kaganapang may kinalaman sa tinutukoy ni Joel. Nagulat siya nang malamang bago pa pala dumating si Alexis ay ilang death threats na rin ang natanggap ni Aries na may kinalaman sa diary na hinahanap ng kung sino man.
Sigurado si Elena na may kinalaman pa rin si Fidel Mariano tungkol doon. Oo nga't napatay na ni Angela ang anak nitong si Ricky nang manloob ito sa Hacienda Rosalia at nalaman na rin nila kung sino ang ilan pang espiya sa paligid nila bukod kay Mang Ambo na nakakulong na. Pero hindi ibig sabihin niyon ay tapos na ang lahat. Hanggang buhay pa at malaya sa kamay ng batas ang Fidel Mariano na iyon, alam niyang hindi matatahimik ang pamilya nila.
"So sinasabi mo ba na posibleng may kinalaman ang diary na iyon kung bakit napatay ang tatay ni Aries noon?" biglang tanong niya nang magawa niyang isipin nang husto ang mga isinalaysay ng binata sa kanila nang mga sandaling iyon.
"Hindi pa rin nila nahuhuli ang pumatay sa aking ama. Pero hindi pa rin ako tumitigil para mabigyan ng hustisya ang pagkamatay niya. And to answer your question, matindi ang hinala ko na may alam siya sa kung ano man ang nilalaman ng diary na iyon. They killed my father because it's either they never got any information from him about it or they got something and chose to silence him completely after that."
Walang naging tugon ang sinuman sa isinalaysay ni Aries sa kanilang lahat. But this was too much. Iyon lang tiyak ni Elena na naiisip niya at ng mga kasama niya. Gaano katagal na bang naging ganito ang takbo ng mga pangyayari kapag ang diary nina Alfonso at Victoria ang may kinalaman?
"Well, it's a good thing that... Alexis decided to let you stay here," aniya pagkatapos ng mahabang katahimikang nakapalibot sa kanila.
Tumango si Aries at ngumiti sa unang pagkakataon matapos ang pagsasalaysay nito. Ang siste, dahil sa tanawing iyon ay muling bumilis ang pagtibok ng kanyang puso.
Pambihira! Bakit mas matindi pa ang epekto ng lalaking ito sa kanya ngayong nakikita na niya ito sa realidad at hindi lang sa panaginip?
"Kung alam mo lang, Elena, nahirapan pa akong kumbinsihin ang lokong ito na dito muna tumira sa atin hanggang hindi pa natatapos ang imbestigasyon para malaman kung sino ang nagpapadala ng mga death threat sa kanya," tugon ni Alexis. "Hindi ko alam kung ano ang ginawa ni Joel para makumbinsi siya."
"Wala akong ginawa. Tinanong lang niya sa akin kung dito rin daw ba sa hacienda nakatira si Elena. Nang sabihin kong oo, 'ayun! Pumayag na siya sa gusto ni Alexis."
Say what now? Nagbibiro ba ang nakatatandang kapatid niya?
xxxxxx
Writer's note: So this is where I ended writing this story from way back 2008. The upcoming chapters after this, ngayong 2019 ko na maisusulat. Let's just hope na magawa ko na itong matapos after more than a decade of having it in pending.
No comments:
Post a Comment