The sky continued to give off that ominous vibe that he started feeling as soon as Stephen stepped out of the mansion. Pero kahit ganoon ang pakiramdam niya, iyon lang ang gabay niya sa mga sandaling iyon para malaman kung nasaan si Maxiel. Mukhang ang mga katulad lang niyang may taglay na kapangyarihan ang nakakakita ng nagaganap na kababalaghan sa kalangitan.
Tama nga si Neriah—ang babaeng Angel Knight na nagsabi sa kanya ng tungkol sa gustong gawin ni Maxiel—sa sinabi nito sa kanya. Pero sapat din na rason iyon para lumala ang kabang nararamdaman niya. He wasn't someone who would always feel nervous like this, even while he was dealing with his own set of battles.
Pero siguro nga, kapag ang taong mahal mo ang dahilan, kahit ang pinakakalmadong nilalang ay makakaramdam ng 'di maipaliwanag na takot at kaba. Iyon ang minsang sinabi ni Francis sa kanya nang minsang tanungin niya ito kung bakit handa itong gawin ang lahat para sa kapakanan ng nobya nitong si Ilsie, lalo na nang hindi iilang beses na nalagay ang dalaga sa kapahamakan.
